![\"\"](\"https://www.aravot.am/2011/aravot_arm/October/20/p7.jpg\")
Պետերբուրգցի ճարտարապետ, «Մ. Աթայանց ճարտարապետական արվեստանոցի» տնօրեն Մաքսիմ Աթայանցը վերջերս Ն.Ս.Օ.Տ.Տ. Ամենայն հայոց կաթողիկոս Գարեգին Բ-ին է նվիրել 17-րդ դարի բացառիկ հրատարակություն՝ հայկական պետականության, քաղաքականության եւ եկեղեցու մասին: Այն լույս է տեսել 1665թ.՝ լատիներեն, աստվածաբանության դոկտոր Մարտինուս Կեմպիուսի դիսերտացիան է: Ինչ վերաբերում է Մ. Աթայանցին, նա հայտնի է ոչ միայն որպես դասական մտածողությամբ ճարտարապետ, այլեւ հետաքրքիր նկարիչ եւ գրաֆիկական շարքի հեղինակ: Աթայանցի աշխատանքները պահպանվում են ՌԴ ազգային գրադարանի, Ուելսի արքայազնի, Նոտրդամի համալսարանի հավաքածուներում ու պահոցներում:
