NEW
Տավուշի մարզպետ Արմեն Ղուլարյանը եւ Իրանի Կենտրոնական նահանգի նահանգապետ Շաբանի Ֆարդը պայմանավորվել են մեր Դիլիջան եւ իրանական Դելիջան քաղաքները դարձնել քույր քաղաքներ:
Տավուշի մարզպետարանից տեղեկացանք, որ պայմանավորվածությունը ձեռք է բերվել երեկ՝ մեր Դիլիջանում, որ այցելել էր Իրանի Իսլամական Հանրապետության Կենտրոնական նահանգի պատվիրակությունը:
Իրանի Կենտրոնական նահանգն ունի 1,400 միլիոն բնակիչ, այստեղ արտադրվում են ալյումին, մեքենաներ, ցեմենտ, նաեւ գյուղմթերք՝ տարեկան 550 000 տոննա ցորեն, որից 350 հազարը արտահանվում է: Նահանգին մեծ եկամուտներ են բերում նաեւ ջերմոցային տնտեսությունները:
Իրանցիները պատրաստ են օգնել Տավուշի մարզում ջերմոցային տնտեսությունների զարգացմանը, ինչպես նաեւ իրանական որեւէ բանկի մասնաճյուղ հիմնել Դիլիջանում:
