![\"\"](\"https://www.aravot.am/2011/aravot_arm/October/19/p16.jpg\")
Վերջերս հրատարակվել է Մերուժանի «Ստեղներ» բանաստեղծությունների ժողովածուն: Այն ամփոփում է գրողի քնարական, հայրենասիրական ու քաղաքացիական շնչով գրված այն բանաստեղծությունները, որոնք դուրս են մնացել նախորդ 6 պրակներից: «Առավոտի» դիտարկմանը, թե ընթերցողի մոտ տպավորված են գրողի հատկապես սիրային բանաստեղծությունները, Մերուժանն ասաց. «Իմ բարոյական ընդգրկումներում սիրո աշխարհը անընդգրկելի է: Համոզված եմ, որ ցանկացած արվեստագետի ներաշխարհում սերն է ստեղծագործության արարման խթանը»: Հետաքրքրությանը՝ ճի՞շտ է, արդյոք, տարածված այն լուրը, թե բոլոր գրքերի կազմին պատկերված կինը՝ տնտեսագիտության թեկնածու Կարինե Կիրակոսյանը, գրողի մուսան է եւ հովանավորը, մեր զրուցակիցը նախ նշելով, որ դա այդպես է, հայտնեց հետեւյալը. «Տիկին Կիրակոսյանի նկատմամբ տածում եմ համակրանք: Նախապես նպատակս է եղել նրան ընծայաբերել ստեղծագործություններիս զգալի մասը, եւ հետայսու նույնպես նպատակ ունեմ նրա դիմանկարը «դրոշմել» իմ ապագա ստեղծագործությունների շապիկներին»:
