NEW
Այսօր Տավուշի մարզի թիվ 41 ընտրատարածքային ընտրական հանձնաժողով ինքնաբացարկի դիմում է ներկայացրել Իջեւանի քաղաքապետի տեղակալ, անկուսակցական Կարեն Օթարյանը, ով մինչ օրս մտադիր էր մասնակցել նոյեմբերի 12-ին Իջեւանի քաղաքապետի հերթական ընտրությանը:
Ի սկզբանե էլ ոչ ոք չէր հավատում, որ Օթարյանը մինչեւ վերջ պայքարելու է: Հոկտեմբերի 17-ին ինքնաբացարկի դիմում էր գրել Իջեւանի քաղաքապետի թեկնածու Արծրունի Ղալումյանը: Նա հանրապետական է, այդ կուսակցության Իջեւանի քաղաքային կառույցի ղեկավարը եւ Հանրապետական կուսակցության մարզային կառույցի ղեկավար, Տավուշի մարզպետ Արմեն Ղուլարյանի խնամին:
Այսպիսով, նոյեմբերի 13-ին կայանալիք Իջեւանի քաղաքապետի ընտրություններում մնացել է երկու թեկնածու` ԲՀԿ անդամ, Իջեւանի ավագանու անդամ Վարդան Ղալումյանը, ով հանրապետական Արծրունի Ղալումյանի ազգականն է եւ Իջեւանի քաղաքապետ, այս տարվա գարնանը հանրապետական դարձած Վարուժան Ներսիսյանը:
