ԱԻՆ փրկարար ծառայության տեղեկացմամբ, հոկտեմբերի 15-ին, ժամը 19.22-ին տեղեկատվություն է ստացվել, որ Արագածոտնի մարզում՝ Ալագյազ-Ապարան ավտոճանապարհի 8-րդ կմ-ում տեղի է ունեցել ավտոպատահար:
Դեռեւս չպարզված հանգամանքներում բախվել են Կարեն Թարմենյանին պատկանող «ՎԱԶ-2108» մակնիշի 06 ԼՕ 476 եւ Արմեն Զուեւին պատկանող «ԲՄՎ» մակնիշի 08 ՍՍ 086 պետհամարանիշների ավտոմեքենաները, ինչի հետեւանքով «ՎԱԶ-2108»-ի վարորդ, Լոռու մարզի Օձուն գյուղի բնակիչ, 1977 թվականին ծնված Կ. Թարմենյանը եւ ուղեւոր, նույն գյուղի բնակիչ, 1978 թվականին ծնված Վալերի Նալբանդյանը մարմնական վնասվածքներով տեղափոխվել են Ապարանի հիվանդանոց, իսկ «ԲՄՎ» ավտոմեքենայի ուղեւորներ, Դիլիջան քաղաքի բնակիչ, 1964 թվականին ծնված Անդրանիկ Մկրտչյանը եւ Լոռու մարզի Անտառամուտ գյուղի բնակիչ, 1989 թվականին ծնված Վահե Համբարձումյանը՝ Աշտարակի հիվանդանոց:
