Հայաստանում ԱՄՆ դեսպան Ջոն Հեֆերնը բարձրաձայնել է իր տեսակետը Հայոց ցեղասպանության մասին: News.am-ի հաղորդմամբ, երեկ լրագրողները դեսպանին հիշեցրել են, որ նախորդ դեսպանները ներքին խնդիրներ են ունեցել, քանի որ մասամբ ճանաչել են Հայոց ցեղասպանությունը, սակայն բարձրաձայն չեն կարողացել արտահայտվել: Ի պատասխան՝ Հեֆերնը նկատել է, որ հպարտ է Հայաստանում ԱՄՆ նախագահ Բարաք Օբամային եւ պետքարտուղար Հիլարի Քլինթոնին ներկայացնելու համար: Այնուհետ դեսպանը նկատել է, որ ապրիլի 24-ի իր հայտարարության մեջ Օբաման հստակ ներկայացրել է իր դիրքորոշումը, եւ ինքն աջակցում է այդ հայտարարությանը:
