Հոկտեմբերի 14-ին Արարատի եւ Վայոց ձորի մարզերի ընդհանուր իրավասության դատարանը (դատավոր՝ Թաթուլ Պողոսյան) վճռեց 10 տարվա ազատազրկման դատապարտել ընտանեկան բռնության հետեւանքով մահացած Զարուհի Պետրոսյանի ամուսնուն՝ Յանիս Սարկիսովին: Նա մեղադրվում է ՀՀ Քրեական օրենսգրքի 112-րդ հոդվածի 2-րդ մասի 14-րդ կետով՝ առողջությանը դիտավորյալ վնաս պատճառելը, որն անզգուշությամբ առաջացրել է մահ (նախատեսված է 6-10 տարի ազատազրկում): Դատարանը դատապարտեց Սարկիսովին առավելագույն պատժի: Թեեւ դա այդ հոդվածով առավելագույն պատիժն էր, սակայն հասարակությունը գտնում է, որ Սարկիսովը պետք է դատապարտվեր ցմահ ազատազրկման:
