![\"\"](\"https://www.aravot.am/2011/aravot_arm/October/13/p12.jpg\")
Այս օրերին մարզական աշխարհում բազում նշանակալի իրադարձություններ են տեղի ունենում: Բայց ֆուտբոլային Եվրոպայում թիվ մեկ թեման Իռլանդիա-Հայաստան հանդիպման մրցավար, իսպանացի Իտուրալդե Գոնսալեսն է: Ֆուտբոլի օրենքներով մրցավարի որոշումը, որքան էլ այն սխալ, իսկ մեր պարագայում՝ սրիկայական լինի, միեւնույն է՝ բեկման, վերանայման ենթակա չէ: Ասել է թե՝ «Եվրո 2012»-ի գնացքը մեզ համար այլեւս մեկնել է: Սակայն ստորության դեմ լռելն էլ ճիշտ չէ: Իսկ ի՞նչ անել: Հասկանալի է, որ խաղի արդյունքը չեղյալ հայտարարելը կամ հանդիպումը վերախաղարկելը բացառվում է: Բայց, կարծում ենք, միեւնույն խաղում մեր թիմի գլխին բերած այդքան կորուստները գոնե մեկով պակասեցնելու համար արժե, որ մեր ֆեդերացիան քայլեր ձեռնարկի: Օրինակ, պաշտոնապես դիմել ՈՒԵՖԱ՝ Ռոման Բերեզովսկու հանիրավի ստացած կարմիր քարտը չեղյալ հայտարարելը: Առավել եւս, որ ամբողջ Եվրոպան է վկայում, որ այդ մրցավար կոչվածը ահավոր կոպիտ սխալ է գործել:
