Հայաստանի բռնցքամարտի ազգային հավաքականի ղեկավարությունը պարտավորվել էր Բաքվում անցկացված բռնցքամարտի աշխարհի առաջնությունում առնվազն երեք օլիմպիական ուղեգիր նվաճել, սակայն միայն 75 կգ քաշային Անդրանիկ Հակոբյանը վարկանիշ ձեռք բերեց: Հանրապետության բռնցքամարտի ֆեդերացիայի գործկոմը, քննարկելով այս եւ կազմակերպական այլ հարցեր, ազգային հավաքականի գլխավոր մարզիչ Ռաֆայել Մեհրաբյանին ազատել է պաշտոնից եւ ընտրանու ղեկը վստահել վաստակավոր մարզիչ Կարեն Աղամալյանին: Երկրորդ մարզիչ նշանակվել է Ֆեդյա Ալեքսանյանը:
