Մեր տեղեկություններով, մոտ մեկ շաբաթ առաջ Տավուշի մարզպետ Արմեն Ղուլարյանը մարզպետարանում խորհրդակցություն է անցկացրել, որին մասնակցել են մարզի սոցիալական ծառայությունների տարածքային գործակալությունների եւ որոշ հանրակրթական դպրոցների տնօրեններ: Ֆինանսների նախարարության ստուգումների արդյունքում բացահայտվել է, որ մարզի սոցիալական ծառայությունները թույլ են տվել ֆինանսական խախտումներ` 220-480 հազար դրամի չափով: Նրանք քաղաքացիներին նշանակել են նպաստներ, որոնք, ըստ օրենքի, նպաստառու լինել չէին կարող: Դպրոցների տնօրեններն էլ կատարել են աշակերտների թվի հավելագրումներ եւ այդկերպ պետբյուջեից ստացել են միլիոնավոր դրամներ, որ իրենց չէր հասնում: Մարզպետը զայրացել է ֆինանսական խախտումներ կատարած տնօրենների վրա: Սակայն զարմանալի է, որ մարզպետարանը խորհրդակցության մասին ոչ մի տեղեկություն պաշտոնապես չի տարածել: Իսկ ո՞ւր մնաց հրապարակայնությունը:
