Հոկտեմբերի 8-ին, ժամը 00.35-ին, ոստիկանության Աշտարակի բաժնում ահազանգ է ստացվել, որ Աշտարակ քաղաքի Ներսես Աշտարակեցու փողոցի բնակարաններից մեկում վիճաբանություն է տեղի ունենում: Նույն օրը, ժամը 01.05-ին, գլխի վնասվածքով հիվանդանոց է տեղափոխվել 26-ամյա Քաթրինե Հ.-ն: Դեպքի վայր մեկնած օպերատիվ խումբը բնակարանի լոգարանում հայտնաբերել է 27-ամյա Արթուր Դովլաթյանի դիակը՝ ծակած կտրած վնասվածքների հետքերով: Նույն բնակարանի բնակիչ՝ 28-ամյա Աշոտ Ս.-ն հայտարարել է, որ ինքն է Ա. Դովլաթյանին դանակով հարվածել եւ պատճառել մահ, իսկ կնոջը հարվածել է ատրճանակի կոթով: Դեպքի վայրի զննությամբ հայտնաբերվել են ատրճանակ եւ ծալովի դանակ: Հանգամանքները պարզվում են: Աշոտ Ս.-ն ձերբակալված է:
Կատարվում է նախաքննություն:
