Երեկ 84 տարեկանում կյանքից հեռացել է պարարվեստի լեգենդ Վանուշ Խանամիրյանը: Վերջին շրջանում վարպետը տառապում էր սրտանոթային համակարգի խնդիրներով: ՀՀ ժողովրդական արտիստը ստեղծագործական ողջ կյանքի ընթացքում պայքարել է ազգային պարի անաղարտության համար: Վ. Խանամիրյանի սաները աշխարհի տարբեր անկյուններում իրենց ուսուցչի անվամբ պարախմբեր են հիմնադրել, Նյու Յորքի մանկական պարի ակադեմիան եւս կրում է Վանուշ Խանամիրյանի անունը: Նա ոչ միայն իսկական արվեստագետ էր, այլեւ հրաշալի մարդ եւ քաղաքացի:
