Երեկ ԵԽԽՎ-ում շրջանառության մեջ դրվեց Դավիթ Հարությունյանի հեղինակած բանաձեւի նախագիծը, որին միացել են 47 պատվիրակներ: «ԵԽԽՎ-ում շահերի բախման բացահայտման մեխանիզմի ամրապնդում» անվանյալ այս փաստաթղթում նշվում է, թե իրենց պարտականությունները կատարելիս Վեհաժողովի անդամները պետք է հետեւեն թափանցիկության եւ հաշվետվողականության սկզբունքներին, որոնք կարեւոր են ԵԽԽՎ նկատմամբ վստահության առումով՝ մասնավորապես հաշվի առնելով ԵԽԽՎ զգալի ազդեցությունը երկրների ներքին քաղաքականության վրա: Նաեւ նշվում է, որ շահերի բախման խնդիրը դեռեւս առկա է Վեհաժողովում, ուստի հրամայական է ԵԽԽՎ կանոնակարգում համապատասխան մեխանիզմների հաստատումը՝ շահերի բախումը բացահայտելու համար:
