![\"\"](\"https://www.aravot.am/2011/aravot_arm/October/6/p1.jpg\")
«Ժառանգություն» կուսակցության հիմնադիր եւ առաջնորդ Րաֆֆի Հովհաննիսյանը երեկ այցելեց Ազատության հրապարակ: Նախ նա զրուցել է արդեն 5-րդ օրը շուրջօրյա հանրահավաքին մասնակցող քաղաքացիների հետ, նաեւ մոտեցել է Հայ ազգային կոնգրեսի առաջնորդ, ՀՀ առաջին նախագահ Լեւոն Տեր-Պետրոսյանին: Նրանք մոտ 15 րոպե առանձին զրուցել են: Հովհաննիսյանն իր քայլը «քաղաքավարական» է որակել, իսկ այցի նպատակի մասին «Ազատություն» ռ/կ-ի հարցին ի պատասխան՝ ասել է. «Սա մեզ բոլորին պատկանող հրապարակն է: Երբ որ ես այստեղ հացադուլի էի 15 օր, դա իմ հրապարակը չէր՝ բոլորին է պատկանում։ Ուստի՝ ես եկել եմ իմ համաքաղաքացիների հետ զրուցելու, զորակցելու»: Հիշեցնենք, որ երբ Ր. Հովհաննիսյանը Ազատության հրապարակում հացադուլ էր անում, ՀԱԿ առաջնորդը, որի գլխավորությամբ Կոնգրեսը հրապարակում հանրահավաք էր անցկացնում, այդպես էլ չմոտեցավ Հովհաննիսյանին զորակցելու:
