Սեպտեմբերի 27-ին, ժամը 19.30-ի սահմաններում, «Գոլովինո» թաղամասում, Երեւան-Իջեւան ճանապարհի 93-րդ կիլոմետրին «Ռենջ Ռովեր» մակնիշի մեքենան բախվել է «Գազ-3110»-ին: Վթարի հետեւանքով նախորդ օրը Ռուսաստանից Հայաստան ներկրված «Ռենջ Ռովերը» հայտնվել է Աղստեւ գետում: Պատահարի հետեւանքով երկու մեքենաներն էլ վնասվել են, բայց առավել չափով՝ «Ռենջ Ռովերը»: Վերջինիս վարորդ Հովսեփ Հովհաննիսյանը եւ ուղեւոր Հովհաննես Աբրահամյանը վնասվածքներով տեղափոխվել են «Դիլիջան» բժշկական կենտրոն, «ԳԱԶ-3110»-ի վարորդ Յուրիկ Խաչատրյանի վնասվածքներն ավելի թեթեւ են: Վերջինս Դիլիջանի բնակիչ է, իսկ Հ. Հովհաննիսյանն ու Հ. Աբրահամյանը՝ Երեւանի:
Սեպտեմբերի 28-ի առավոտյան Այրում քաղաքում միջպետական մայրուղու եւ երկաթգծի հատման վայրում շրջվել եւ ձորն է ընկել մի մեծ բեռնատար, որը բարձված էր գյուղտեխնիկայի մասերով: Այն արտերկրից պահեստամասեր էր տեղափոխում Երեւան: Միջոցներ են ձեռնարկվում բեռնատարը ձորից հանելու համար:
