ՀԱԿ-ում կայացած երեկվա քաղխորհրդի նիստում քննարկվել են երկրում ստեղծված իրավիճակն ու սեպտեմբերի 30-ի հանրահավաքի նախապատրաստական աշխատանքները: ՀԱԿ համակարգող Լեւոն Զուրաբյանը lragir.am-ին ասել է, որ տրվել է գնահատական, որ ըստ էության երկխոսությունը կարելի է համարել տապալված, ու ստիպված նորից ժողովուրդը պետք է անցնի լուրջ զանգվածային միջոցառումների կազմակերպմանը. «Քննարկվեցին կոնկրետ գործողությունների տարբերակներ, բայց որոշվել է, որ խնդրի վերջնական լուծման վերաբերյալ որոշման ընդունումը պետք է կատարվի սեպտեմբերի 30-ի հանրահավաքում»:
