Ավելի քան մեկ ամիս է, ինչ Վրաստանում կալանքի տակ են ոստիկանության փոխգնդապետ Արայիկ Պարանյանը, Դեղձավան եւ Բագրատաշեն գյուղերի մեկական բնակիչներ: Պարանյանը նախկինում եղել է ոստիկանության Բագրատաշենի բաժանմունքի պետի տեղակալը, հետո գտնվել է ոստիկանության կադրերի տրամադրության տակ: Եռյակն անօրինական կերպով Վրաստան է տեղափոխել մեծ քանակությամբ ոսկեղեն: Մառնեուլի քաղաքում ոսկեղենն իրացնելը կանխվել է վրաց ոստիկանների կողմից: Այժմ նրանք վրացական օրենսդրությամբ պետք է վճարեն 70 հազար լարի՝ 42 հազար դոլար տուգանք: Այդ դեպքում նրանք ազատ կարձակվեն եւ կդատապարտվեն ազատազրկումը բացառող պատժաչափի:
