![\"\"](\"https://www.aravot.am/2011/aravot_arm/September/27/p10.jpg\")
NEW
Այսօր ԱՆ «Նուբարաշեն» քրեակատարողական հիմնարկից Կենտրոն եւ Նորք-Մարաշ վարչական շրջանների ընդհանուր իրավասության դատարան բերվեց Արթուր Հովհաննիսյանը: 11-րդ օրն է, ինչ կալանավորը հացադուլի մեջ է եւ կարել է բերանը: Նա բողոքում է իր քրեական գործով մեղադրանքը պաշտպանող Հայկ Էրամջյանի դեմ, որը միջնորդել է 9 գ թմրանյութ պահելու եւ իրացնելու համար իրեն դատապարտել 8, 5 տարվա ազատազրկման:
Պաշտպանական ճառով երեկ հանդես եկած նրա փաստաբանը՝ Նարինե Ռշտունին միջնորդեց, որպեսզի կարճվի գործը: Վերջին խոսքի համար Արթուր Հովհաննիսյանը խնդրեց, որ ժամանակ տան իրեն, քանի որ ի վիճակի չէ այդկերպ ասել իր ճառը:
Դատավոր Մնացական Մարտիրոսյանը ճշտեց՝ ի՞նքն է բերանը կարել, թե՞ հարկադրել են: Կալանավորը պատասխանեց, որ ինքն է դիմել այդ քայլին:
Հաշվի առնելով Արթուրի առողջական վիճակը, դատավորը մի քանի օրով հետաձգեց նիստը:
