Երեկ Բաքվում մեկնարկեց սիրողական բռնցքամարտի աշխարհի 16-րդ առաջնությունը, որտեղ մեդալներից բացի՝ խաղարկվում են 2012 թվականին Լոնդոնում կայանալիք օլիմպիական խաղերի մասնակցության ուղեգրեր:
Առաջին օրը պայքարի մեջ ներգրավվելու էին մինչեւ 49 կգ քաշայինները, որտեղ ընդգրկված էին Հովհաննես Դանիելյանը՝ Հայաստանից, եւ Ռուսաստանը ներկայացնող Դավիթ Հայրապետյանը: Սակայն աշխարհի առաջնության պաշտոնական կայքում հրապարակված վիճակահանությամբ հայ երկու մարզիկներն էլ այդ օրը ազատ էին: Նրանք իրենց մեկնարկային մենամարտերն անցկացնելու են հոկտեմբերի 3-ին:
Այսօր մեր ազգային հավաքականից մեկնարկը տալու պարտականությունն ընկել է մինչեւ 56 կգ քաշային Հովհաննես Բաչկովի ուսերին: Նա մենամարտելու է մոնղոլացի Օդգոնդալայ Դորժնիամբուի հետ:
