Աշխարհահռչակ երգչուհի Սեզարիա Էվորայի երեւանյան համերգը չկայացավ՝ նրա առողջական վիճակի կտրուկ վատթարացման հետեւանքով: Այժմ համերգի կազմակերպիչները հանդես են գալիս նոր նախաձեռնությամբ. սեպտեմբերի 29-ին, ժամը 21-ին Ալ. Սպենդիարյանի անվան օպերայի եւ բալետի ազգային ակադեմիական թատրոնում կկայանա աշխարհահռչակ իտալացի տենոր Ալեսանդրո Սաֆինայի համերգը։ Երգիչը իր առաջին անգամ կայանալիք հայաստանյան համերգին կներկայացնի սիրված երգացանկի ամենահայտնի երգերը՝ «Լունա» հիթային երգի գլխավորությամբ։ Ալեսանդրո Սաֆինան իբրեւ օպերային երգիչ ելույթներ է ունեցել աշխարհի ամենահեղինակավոր համերգասրահներում։ Ձայնասկավառակների ռեկորդային թվի վաճառքը երգչին մշտապես բերել է պլատինե եւ ոսկե սկավառակներ։ Հայտնի են Ալեսանդրո Սաֆինայի զուգերգերը Սարա Բրայթմանի, Էլթոն Ջոնի, Պետրա Բերգերի եւ այլ երգիչների հետ։
