Ջերմուկ-Գնդեվազ ճանապարհի 16-րդ կմ-ին «ԶԻԼ-131» մակնիշի ավտոմեքենան, դուրս գալով ճանապարհի երթեւեկելի մասից՝ ընկել է ձորը:
Վթարի հետեւանքով ուղեւորը՝ 21-ամյա Մրազ Ֆերոյանը, տեղում մահացել է, իսկ վարորդը մարմնական վնասվածքներով տեղափոխվել է հիվանդանոց:
Իսկ ոստիկանության Մասիսի բաժնում ահազանգ էր ստացվել, որ Մասիս-Էջմիածին ճանապարհի 3-րդ կմ-ին, ճանապարհի աջ մայթի ծառի մոտ, տղամարդու դիակ կա: Պարզվել է, որ գիշերը անհայտ ավտոմեքենայի վարորդը վրաերթի է ենթարկել Դարբնիկ գյուղի բնակիչ՝ 53-ամյա Ռոման Մկրտումյանին, որը տեղում մահացել է:
