Երեկ կառավարության նիստի ժամանակ որոշվեց «Արմենիա» միջազգային օդանավակայանին անհատույց տրամադրված 0,47 հեկտարի փոխարեն հատկացնել 0,77 հա հող, որը նախատեսված է բազմահարկ հանրակացարանային շենք կառուցելու եւ որպես փոխհատուցում տրամադրելու համար:
ՀՀ վարչապետ Տիգրան Սարգսյանի խոսքերով՝ ազատ տնտեսական գոտի կառուցելու համար անհրաժեշտ է տարածքից 2 բնակելի շենք դուրս բերել: Կոնցեսիոները բնակարանները կկառուցի իրեն տրամադրված նոր տարածքում, իսկ բնակելիների տեղում կկառուցվի ազատ տնտեսական գոտի:
Նիստում նաեւ գյուղնախարարին պարտավորեցրել են Ռուսաստանի Դաշնությունից ներկրված 1100 տոննա ցորենի էլիտային վերարտադրության սերմացուն բաշխել 7 եւ ավելի հեկտար հողատարածք ունեցող շահառուներին, կազմակերպել 400 տոննա առաջին վերարտադրության սերմացուի գնումը՝ այն տրամադրելով մարզերին՝ համապատասխան պայմանագրեր կնքելով մարզպետների հետ։
