Սեպտեմբերի 18-ին Կոտայքի մարզում՝ Երեւան-Սեւան ավտոճանապարհի 32-րդ կմ-ում տեղի է ունեցել ավտոպատահար:
Դեռեւս չպարզված հանգամանքներում՝ «Մերսեդես» մակնիշի 99 ՏՏ 899 պետհամարանիշի ավտոմեքենան դուրս է եկել ճանապարհի երթեւեկելի հատվածից եւ բախվել ծառերին, որի հետեւանքով զոհվել են ուղեւորներ՝ 19-ամյա Վահե Ասատրյանը եւ երկու աղջիկներ՝ Սեդա եւ Լիլիթ (ազգանունները եւ ծննդյան թվերը ճշտվում են): Մինչ հրշեջ-փրկարարների կանչի վայր հասնելը՝ 19-ամյա վարորդը՝ Հարություն Թորոսյանը մարմնական վնասվածքներով տեղափոխվել է Չարենցավանի հիվանդանոց. առողջական վիճակը գնահատվել է միջին ծանրության:
