![\"\"](\"https://www.aravot.am/2011/aravot_arm/September/17/p1.jpg\")
Երեկ «Սարդարապատ» շարժման նախաձեռնող խմբի անդամ Գարեգին Չուգասզյանը հայտարարել է, թե Հայաստանի կառավարող համակարգի կադրերը, ունենալով մտավոր, մշակութային եւ քաղաքացիական ցածր մակարդակ, ի վիճակի չեն դիմագրավելու երկրի առջեւ ծառացած մարտահրավերներին: Նրա խոսքով, 20 տարվա բոլոր գլխավոր ձեռքբերումները՝ Արցախի ազատագրումը, բանակը, Հայաստանի կայացումը որպես միջազգային իրավունքի սուբյեկտ, այսօր վտանգի տակ են. «Եվ դա՝ Հայաստանում տիրող անտարբերության եւ հասարակությանը համակած դեգրադացիայի պայմաններում: Այդ ամենը հնարավոր է, որովհետեւ Հայաստանը դարձել է մի քանի ընտանեկան կլանների, այլ ոչ թե մեկ մեծ հայկական ընտանիքի պատկանող պետություն»: Բանախոսը փակուղային վիճակից դուրս գալու ելք է համարում Հայաստանում քաղաքական նոր դասակարգի ստեղծումը՝ բաղկացած երիտասարդությունը ներկայացնող քաղաքացիական նախաձեռնող խմբերից: Ըստ Չուգասզյանի՝ քանի որ Հայաստանում ստեղծվել է հեղափոխական իրավիճակ, վարչակարգի փոփոխման հարցն արդեն կախված է օդում:
