Հայաստանի լավագույն կին շախմատիստուհի, գրոսմայստեր Էլինա Դանիելյանը Շենժենում ընթացող շախմատի ՖԻԴԵ-ի կանանց «Grand Prix»-ի երկրորդ փուլի յոթերորդ տուրում երեկ սպիտակներով միավորը բաժանեց ռուսաստանցի միջազգային վարպետ Եկատերինա Կովալեւսկայայի հետ եւ 2,0 միավորով ընթանում է մրցաշարային աղյուսակի նախավերջին՝ 11-րդ հորիզոնականում: Նրանից ետ է միայն Կեմրե Բեթուլ Յիլդիզը՝ 1,5 միավորով: Պայքարի ավարտին մնացել է ընդամենը չորս տուր եւ արդեն կարելի է վստահաբար ասել, որ Էլինան պատրաստ չէր այս մրցաշարին:
Այսօր Դանիելյանը սեւերով հանդիպելու է մոնղոլուհի Բաթույագ Մոնգոնտուլի հետ: