![\"\"](\"https://www.aravot.am/2011/aravot_arm/September/15/p6.jpg\")
Երեկ Կենտրոն եւ Նորք-Մարաշ վարչական շրջանների ընդհանուր իրավասության դատարանում Մնաց Մարտիրոսյանի նախագահությամբ լսվեց Արմեն Սաղաթելյանի, Մհեր Համբարձումյանի եւ Տարոն Խաչատրյանի դեմ հարուցված քրեական գործով մեղադրողի ճառը:
3 երիտասարդները մեղադրվում են ոսկու շուկայի աշխատակից ներկայացած, տուժող Լուսինե Մանուչարյանի դեմ ավազակային հարձակում կատարելու համար: Մեղադրողը միջնորդեց Ա. Սաղաթելյանին դատապարտել 8 տարվա ազատազրկման, իսկ Մ. Համբարձումյանին եւ Տ. Խաչատրյանին էլ՝ 7-ական տարի, առանց անձնական գույքի բռնագրավման:
Պաշտպանական կողմը խնդրեց ժամանակ՝ ճառերին պատրաստվելու համար:
Տուժողը դատարան էր ներկայացել կիսամերկ: Եվ քանի որ դատարանի պատին գրված է. «Մարզազգեստով արգելվում է դահլիճ մտնել», ժամանակն է, որ դրան ավելացվի հետեւյալը. «կիսամերկ դահլիճում գտնվելը խստիվ արգելվում է»: Ի դեպ, այս փոփոխությունը վերաբերում է բոլոր դատարաններին:
