![\"\"](\"https://www.aravot.am/2011/aravot_arm/September/14/p22.jpg\")
Բուխարեստում Եվրոպայի 20 եւ 23 տարեկանների չեմպիոնի եւ մրցանակակիրների կոչումն են վիճարկում ծանրորդները: Առաջնության երկրորդ օրը որոշակի սպասելիքներ կային ավագ տարիքային խմբում հանդես եկող 62 կգ քաշային Ռուբիկ Մամոյանից, որի ներկայացրած երկամարտի 280 կգ նախնական հայտը մեդալների համար պայքար էր ենթադրում: Պոկում վարժությունում հայ մարզիկը մեծ ջանքերի գնով վերջնական արդյունքով պատվո պատվանդան բարձրանալու հայտ ներկայացրեց: Երկու անգամ ձախողվելով 121 կգ-ում, Ռուբիկը վերջին մոտեցման համար ծանրաձողի քաշը բարձրացրեց երկու կիլոգրամով ու հաղթահարեց 123 կգ-ն, ինչն այս մրցաձեւում երկրորդ՝ արծաթե արդյունքն էր: Սակայն հրումում նա անսպասելի տապալվեց՝ երկու անգամ ձախողվելով 148 կգ-ում, իսկ երրորդ մոտացման ժամանակ՝ 151 կգ-ում:
