Երեկ սկսվեց ԱԺ 4-րդ գումարման 10-րդ նստաշրջանը: Դաշնակցությունը եւ «Ժառանգությունը» խոսեցին հայ-թուրքական արձանագրությունների մասին: Արմեն Ռուստամյանն առաջարկեց, որպեսզի ԱԺ նախագահը եւ պատգամավորներն առաջարկեն ՀՀ նախագահին մեր երկրի ստորագրությունը ետ վերցնել այդ արձանագրությունների վրայից, հաշվի առնելով, որ Թուրքիայի խորհրդարանը հանել է դրանք իր օրակարգից: ԱԺ նախագահն էլ բացատրեց, թե հարեւան երկրի խորհրդարանն այդպես է վարվել իր իսկ երկրի համապատասխան օրենքով առաջնորդվելով: Նույն առաջարկն արեց նաեւ «Ժառանգության» պատգամավոր Արմեն Մարտիրոսյանը: ԱԺ նախագահը կրկին ասաց, որ եթե Թուրքիայի կառավարությունը քայլեր չիրականացնի, ապա խորհրդարանը կդիմի մեր երկրի նախագահին:
