Սփյուռքի կազմակերպությունների ներկայացուցիչների եւ համայնքների ղեկավարների համահայկական համաժողովին, որ կայանալու է սեպտեմբերի 19-21-ը Երեւանում, մասնակցելու է 20 երկրից 35 սփյուռքահայ: Ըստ սփյուռքի նախարարության տրամադրած տվյալների, չորս հոգի կլինեն ռուսահայ համայնքից, երեքը՝ ԱՄՆ-ից, վեց հոգի կգա Լիբանանից, երեքը՝ Ֆրանսիայից: Համաժողովին մասնակցելու են նաեւ աբխազահայ, վիրահայ, շվեդահայ, ուկրաինահայ, իրաքահայ, ռումինահայ, իսրայելահայ, կիպրահայ, լեհահայ, բրիտանահայ, հոլանդահայ, իսպանահայ, իտալահայ, հունահայ, սերբահայ, մալթահայ համայնքները: Համաժողովին չեն մասնակցի մեծ համայնքներ՝ ավստրալահայերը, արգենտինահայերը, հարեւան իրանահայերը:
