Նորքի հոգեբուժարանում հայտնված 20-ամյա Հովհաննես Վարդանյանի հայրը՝ Վարդան Վարդանյանը, երեկ հաստատեց պաշտոնական այն հայտարարությունը, թե նախկին զինվորի մայրը՝ Անահիտ Այվազյանը, տառապում է շիզոֆրենիայով: «Կինս 7-8 տարի է՝ այդ հիվանդությունն ունի: Բժիշկների տրամադրած փաստաթղթի մեջ գրված է, որ նա տառապում է շիզոֆրենիայով»,- ասաց «Ա1+»-ի հետ հեռախոսազրույցում նախկին զինծառայողի հայրը՝ Վարդան Վարդանյանը, եւ նշեց, որ այդ դեպքում բժշկական հանձնաժողովը պիտի որոշում ընդուներ, որ Հովհաննեսը պիտանի չէ զինծառայության համար:
