![\"\"](\"https://www.aravot.am/2011/aravot_arm/September/8/p1.jpg\")
![\"\"](\"https://www.aravot.am/2011/aravot_arm/September/8/p1-2.jpg\")
Երեկ ձերբակալվել է սեպտեմբերի 5-ին հանցանքի վայրից փախուստի դիմած քաղաքացի՝ Գեղարքունիքի մարզի Ծափաթաղ գյուղի բնակիչ, 38-ամյա Արարատ Բարսեղյանը: «Առավոտի» տեղեկություններով, ձերբակալվածը աշխատում է Գեղարքունիքի մարզի Ծափաթաղի գյուղապետարանում որպես գլխավոր հաշվապահ: Նա այս տարվա սեպտեմբերի 5-ին, ժամը 08.00-ի սահմաններում, վարելով «Գազել» մակնիշի 63 ՕՍ 086 համարանիշի ավտոմեքենան՝ Երեւան-Սեւան ավտոճանապարհի 17-րդ կմ-ում բախվել է ՎԱԶ 2106 մակնիշի ավտոմեքենային, որի հետեւանքով այդ մեքենայի վարորդը՝ Չարենցավանի բնակիչ, 24-ամյա Արթուր Մանուչարյանը, տեղում մահացել էր, իսկ ուղեւորներ՝ 28-ամյա Արմեն Գրիգորյանը, 21-ամյա Վազգեն Հարությունյանը եւ 21-ամյա Վարդան Հարությունյանը մարմնական տարբեր աստիճանի վնասվածքներով տեղափոխվել էին Աբովյանի բժշկական կենտրոն: Ավտովթարից հետո նա մահացածին եւ վիրավորներին թողնելով անօգնական վիճակում՝ դեպքի վայրից դիմել էր փախուստի:
