Երեկ Արարատի եւ Վայոց ձորի մարզերի ընդհանուր իրավասության դատարանում, դատավոր Խաչիկ Հովհաննիսյանի նախագահությամբ, պետք է շարունակվեր Կարեն Կարապետյանի եւ Արման Հակոբյանի նկատմամբ հարուցված քրեական գործի դատաքննությունը: Նրանք մեղադրվում են երիտասարդ մարզիկ Արա Վարդանյանի սպանության գործով: Դատարան էին ներկայացել որդու մահվանից հետո սրտի ծանր վիրահատություն տարած տուժողի հայրը՝ Գեղամ Վարդանյանը, նրա հիվանդ կինը, տարբեր մարզերից հարազատները: Ուղիղ մեկ ժամ սպասելուց հետո պարզվեց, որ ամբաստանյալ Արման Հակոբյանի պաշտպան Նարինե Մկրտչյանը չկա: Նրա գտնվելու մասին տեղյակ չէր որեւէ մեկը:
