Տավուշի մարզի անձնագրային բաժանմունքների առաջ ամեն օր հերթեր են: Այստեղ են տրվում ընտանեկան նպաստ ստանալու համար սոցիալական ծառայություններ ներկայացվող՝ ընտանիքի կազմի վերաբերյալ տեղեկանքները: Անձնագրային բաժանմունքներում են կատարվում քաղաքացիների գրանցման ճշգրտումները: Ոստիկանության Նոյեմբերյանի անձնագրային բաժանմունքից ստացված տվյալներով՝ նոյեմբերյանցիները մեծամասամբ հարսներին իրենց տանը չեն գրանցում, մինչեւ նրանք զավակ չեն ունենում: Այդ անվստահության պատճառը վերջին տարիներին ավելացած ամուսնալուծության դեպքերն են, երբ ծագում են գույքային վեճեր: Երեխա ունեցած հարսի ոտքը տանը «պնդվում» է:
