Երեկ առավոտյան, ժամը 7:00 սահմաններում, ոստիկանությունը հեռախոսազանգ է ստացել, թե Երեւանի օպերայի եւ բալետի պետական ակադեմիական թատրոնի շենքում ռումբ է տեղադրված: Դեպքի վայր են մեկնել ոստիկանության, արտակարգ իրավիճակների նախարարության եւ այլ հատուկ ծառայությունների ներկայացուցիչներ եւ իրականացված աշխատանքների արդյունքում պայթուցիկ սարք չի հայտնաբերվել:
Չնայած կեղծ ահազանգը Հայաստանում քրեորեն հետապնդելի արարք է, վերջին տարիներին նման ահազանգերի պակաս չկա: Սովորաբար կեղծ ահազանգի «զոհերը» պետական կառավարման կառույցներն էին՝ նախարարություններ եւ այլն:
