![\"\"](\"https://www.aravot.am/2011/aravot_arm/August/30/p1.jpg\")
Երեկ, առավոտյան ժամը 6-ի սահմաններում, Երեւան-Սեւան-Իջեւան ավտոճանապարհի 55-րդ կմ-ում «Գազել» մակնիշի T-361-yp 93 RUS ռուսական համարանիշներով ավտոմեքենան բախվել էր ճանապարհին կայանված «ԶԻԼ-130» մակնիշի բեռնատարին: Հարվածն այնքան ուժեղ է եղել, որ բեռնատարի թափքից թափվել է վառելափայտը: Դեպքի վայր են ժամանել Գեղարքունիքի մարզի փրկարար վարչության Սեւանի փրկարարները: Մարմնական վնասվածքներով Հրազդանի հիվանդանոց է տեղափոխվել 10 հոգի, իսկ 1 վիրավոր՝ Սեւանի հիվանդանոց: Վթարի հետեւանքով Արարատի մարզի բնակիչ՝ 33-ամյա Գոռ Սարգսյանը եւ Երեւանի բնակիչ՝ 20-ամյա Հասմիկ Մկրտումյանը տեղում մահացել են, իսկ Արարատի մարզի բնակիչ՝ 37-ամյա Անահիտ Դավիդյանը մահացել է Սեւանի հիվանդանոց տեղափոխվելու ճանապարհին: Քննիչի հանձնարարականով «Գազելն» ու «ԶԻԼ»-ը տեղափոխվել են ՃՈ տուգանային հրապարակ: «Գազելի» վրա եղած գրառումների համաձայն, մեքենան պատկանում է ՌԴ «Շիխան» պանսիոնատին: Ըստ ականատեսների, «Գազելում» եղել են նաեւ ՌԴ-ից ժամանած քաղաքացիներ: Հարուցվել է քրեական գործ:
