![\"\"](\"https://www.aravot.am/2011/aravot_arm/August/24/p9.jpg\")
Տավուշի մարզպետարանի գյուղատնտեսության եւ բնապահպանության վարչության տվյալով՝ մարզի 62 համայնքներից 49-ում հացահատիկ են մշակում: Այս տարի մարզում ցանվել է շուրջ 8 հազար հեկտար հացահատիկ, որի 5 հազարը՝ աշնանացան ցորեն: 2011թ. հացահատիկի ցանքատարածությունները 150 հեկտարով գերազանցում են նախորդ տարվա ցուցանիշը: Հացահատիկի միջին բերքատվությունը կազմում է 18-20 ցենտներ: Ցածր բերքի պատճառը հողը գյուղատնտեսության պահանջներին ոչ համապատասխան մշակելն է, նաեւ՝ հացահատիկահավաք կոմբայնների սակավությունը եւ մաշվածությունը: Մարզում կա 70 հացահատիկահավաք կոմբայն, որից սարքին է ընդամենը 39-ը: Դրանցից 9-ը ձեռք է բերվել վերջին 5-6 տարում՝ տարբեր ծրագրերի եւ բարերարների միջոցով, իսկ մնացած 30-ը՝ 20-25 տարեկան են, բարոյապես եւ ֆիզիկապես մաշված: Գյուղացին հնձի շրջանում դժվարանում է կոմբայն ճարել, հին մաշված կոմբայններն էլ արտհունձը կորուստներով են կատարում:
