Կրպակների ապամոնտաժման գործընթացը դադարեցնելու պահանջով երեկ մի քանի տասնյակ կրպակատերեր այցելեցին Մարդու իրավունքների պաշտպանի գրասենյակ: Կրպակատերերին էին միացել նաեւ «Ժառանգություն» խմբակցության պատգամավորներ Ստեփան Սաֆարյանն ու Անահիտ Բախշյանը: «Դիմել ենք ԱԺ 6 մշտական հանձնաժողովներին եւ առաջարկել հաջորդ շաբաթ գումարել խորհրդարանական լսումներ եւ քաղաքային իշխանությունների հետ քննարկել գործողությունների օրինականությունը, լուծումները»,- ասաց պարոն Սաֆարյանը: Նրա խոսքով, հարկավոր է հրավիրել նաեւ ավագանու արտահերթ նիստ, որի ընթացքում հնարավորություն կտրվի կրպակատերերին հանդես գալ զեկուցումներով:
