![\"\"](\"https://www.aravot.am/2011/aravot_arm/August/11/p1.jpg\")
![\"\"](\"https://www.aravot.am/2011/aravot_arm/August/11/p1-2.jpg\")
Երեկ շարունակվեց Արաբկիր վարչական շրջանի Փափազյան փողոցի կրպակների ապամոնտաժումը, որն ուղեկցվում էր ոստիկանների բռնությամբ (տես՝ լուսանկարները): Համայնքի պատասխանատուները կրպակատերերի հետ պայքարի ելած «Ժառանգություն» խմբակցության ղեկավար Ստեփան Սաֆարյանին պատճառաբանել են, որ կրպակները խանգարում են դրանց տակով անցնող ջրագծին: «Ա1+»-ի փոխանցմամբ, ԱԺ պատգամավոր Զարուհի Փոստանջյանը փորձել է
կտրել ապամոնտաժող սարքի հոսանքալարը, սակայն ոստիկանները նրան խանգարել են: Իսկ նախկին քաղբանտարկյալ Վարդգես Գասպարին էլ պառկել է կրպակների քանդման տեղում եւ կոչ արել կրպակատերերին՝ հետեւել իր օրինակին:
Կարմիր բերետավորների եւ կրպակատերերի միջեւ մի քանի անգամ բախում է եղել, որի հետեւանքով որոշ ժամանակ փակվել էր Փափազյան փողոցի երթեւեկությունը, իսկ բախման մասնակիցները ստացել են քերծվածքներ: Կրպակատերերը որոշել են բողոքի ակցիան շարունակել այսօր,
Կառավարության շենքի առաջ:
