![\"\"](\"https://www.aravot.am/2011/aravot_arm/August/10/p1.jpg\")
![\"\"](\"https://www.aravot.am/2011/aravot_arm/August/10/p1-2.jpg\")
«Առավոտի» տեղեկություններով, օգոստոսի 7-ին Վայոց ձորի մարզի Սարավան գյուղի բնակչուհի Լյուբա Դանիելյանը զանգահարել է իրենց գյուղի տեղամասային տեսուչին եւ հայտնել, որ երկու երիտասարդ սեւ գույնի «ջիփ»-երով իր երկու ամսական գառը գողացել եւ տարել են (լուսանկարում պատկերված է այդ կինը՝ իր գառներով): Նույն օրը ոստիկանության Վայքի աշխատակիցները Երեւան-Սիսիան ավտոճանապարհին գառը գողանալու կասկածանքով կանգնեցրել են «Միցուբիշի Պաջերո» մակնիշի 30 ԼԼ 004 համարանիշի ավտոմեքենան (լուսանկարում): Ավտոմեքենայում եղել են 4 երիտասարդ եւ գողացված գառը: Մեզ հայտնի դարձավ, որ գառան գողերը Գեղարքունիքի մարզի Սարուխան գյուղի բնակիչներ 20-25-ամյա երիտասարդներ են՝ Անդրանիկ Աբրահամյանը, Հայկազ Դեղոյանը, որոնք քննիչի կողմից ձերբակալվել են, ինչպես նաեւ՝ Վլադիմիր Զոհրաբյանն ու Խաչիկ Արզունյանը, որոնք ստորագրությամբ բաց են թողնվել:
