![\"\"](\"https://www.aravot.am/2011/aravot_arm/August/6/p7.jpg\")
6-րդ տարին է՝ «Օրրան» բարեգործական կազմակերպությունը օգոստոսի 1-ից իրականացնում է «Օրրանի» մեկամսյակ» միջոցառումների շարքը: Վերջինիս նպատակն է բարձրացնել տեղեկացվածությունը Հայաստանի անօթեւան եւ կարիքավոր երեխաների եւ տարեցների վերաբերյալ, ինչպես նաեւ գումարներ հայթայթել՝ նրանց օգնելու նպատակով։ Այս շրջանում «Արմենիա-Մարիոթ» հյուրանոցի առաջին հարկում գործում է «Օրրանի» սաների ձեռքի աշխատանքների ցուցահանդես-վաճառք: Օգոստոսի 19-ին էլ հյուրանոցի «Տիգրան Մեծ» սրահում կկազմակերպվի «Օրրանի» բարեգործական ընթրիքը, որի մասնակիցները հնարավորություն կունենան իրենց ներդրումների միջոցով օգնության ձեռք մեկնել «Օրրանի» շահառուներին: Հավելենք, որ օգոստոսը հոբելյանական է ոչ միայն «Օրրանի», այլեւ նրա տիրուհու՝ հիմնադիր Արմինե Հովհաննիսյանի համար, ում ծննդյան օրն է այսօր: Շնորհավորելով տիկին Հովհաննիսյանին, մաղթում ենք առողջություն եւ երջանկություն, ու թող լավատեսությունը երբեք չլքի նրան, քանի որ այն անհրաժեշտ է նման աստվածահաճո գործունեության համար:
