![\"\"](\"https://www.aravot.am/2011/aravot_arm/August/5/p1.jpg\")
Երկու օր առաջ Տավուշի մարզի Նոյեմբերյան քաղաքում գիշերով ավերել են ոստիկանության Նոյեմբերյանի բաժնի նախկին շենքի քարե ցանկապատը: Ոստիկանության նոր շենքի գործարկումից հետո հին շենքում տեղավորվել է «Երեւակ» հասարակական կազմակերպությունը: Այս շենքի մատույցներում ճանապարհի մոտ 300 մետրը ասֆալտապատ է, եւ գիշերները վարորդները այստեղ առավելագույն արագությամբ են սլանում: Դեպքի «հերոս» ավտոմեքենայի հարվածի ուժն այնքան մեծ է եղել, որ քանդվել է կես մետր հաստությամբ պատը: Վթարի վայրում թափված են մեքենայի ապակու մնացորդները: Դեռեւս հայտնի չէ ձախորդ վարորդի ինքնությունը: Հայտնի չէ նաեւ, թե պետավտոտեսչությունը տեղյա՞կ է պատահարի մասին:
