Անցյալ տարվա նոյեմբերի 19-ին Լեռնային Ղարաբաղի պաշտպանության բանակի դիրքերում տեղի ունեցած 4 զինվորների սպանության եւ 7 զինվորների վիրավորելու գործով մեղադրյալ, զինծառայող, ՀՀ Արմավիրի մարզի Նալբանդյան գյուղի 20-ամյա բնակիչ Մանվել Հազրոյանը երեկ Սյունիքի դատարանի կողմից դատապարտվեց ցմահ ազատազրկման:
Մ. Հազրոյանը դատավճռի հրապարակումից հետո սեղանին դրված շիշը շպրտել է դատավոր Հ. Դավթյանի ուղղությամբ: ՔԿՀ աշխատակիցները, որոնք պիտի ուղեկցեին Հազրոյանին, հենց դատական նիստերի դահլիճում սկսել են ծեծի ենթարկել Հազրոյանին: Երբ վերջինի պաշտպան Է. Մարությանը փորձել է կատարվածի դեմն առնել, նրան էլ են ենթարկել ծեծի: Իրավապաշտպան կազմակերպությունները հանդես կգան հայտարարությամբ: Մ. Հազրոյանը դարձավ ՀՀ թվով 101-րդ ցմահ ազատազրկվածը:
