![\"\"](\"https://www.aravot.am/2011/aravot_arm/August/2/p14.jpg\")
Ֆուտբոլի Հայաստանի բարձրագույն խմբի առաջնության 16-րդ տուրը առաջատարների սայթաքման տուր կարելի է անվանել: Կենտրոնական խաղում «Փյունիկն» ու «Գանձասարը», փոխանակելով մեկական գնդակ, թանկարժեք 2-ական միավոր կորցրին, ինչը «Ուլիսի» հաղթանակի պարագայում մրցաշարային աղյուսակում կթուլացներ երկու թիմերի դիրքերն էլ: Սակայն «Ուլիսը» բոլորովին անսպասելի 1:2 հաշվով զիջեց «Բանանցին»: Այդպիսով, 16-րդ տուրից հետո առաջնությունն ունի միանգամից երկու առաջատար՝ «Գանձասարը» եւ «Ուլիսը», որոնց մեկ միավորով զիջում է չեմպիոնը: Մյուս խաղերում ետնապահ «Արարատը» ոչ-ոքի՝ 1:1 խաղաց «Միկայի» հետ, իսկ «Շիրակը» 2:3 հաշվով զիջեց «Իմպուլսին»:
