![\"\"](\"https://www.aravot.am/2011/aravot_arm/July/29/p1-2.jpg\")
![\"\"](\"https://www.aravot.am/2011/aravot_arm/July/29/p1.jpg\")
Հուլիսի 30, 31-ին եւ օգոստոսի 1-ին Արարատյան դաշտավայրում եւ Սյունիքի հովիտներում կգրանցվի առավելագույն՝ 40 աստիճան տաքություն: Գիշերային ժամերին Երեւանում ջերմաստիճանը կտատանվի 27-28-ի սահմաններում, ինչը նույնպես բարձր է: Երեկ այդ մասին լրատվամիջոցներին հայտնեց «Հայպետհիդրոմետ» օպերատիվ հիդրոօդերեւութաբանության կենտրոնի պետ Զարուհի Պետրոսյանը: Օգոստոսի 5-ից հետո, ըստ օդերեւութաբանի, ջերմաստիճանը կնվազի 4-5 աստիճանով: Զարուհի Պետրոսյանը նշեց, որ Հայաստանում նման շոգերն իրենց նախադեպերն ունեն, մասնավորապես՝ 1935, 45, 56, 77 եւ 79 թվականներին օդի ջերմաստիճանը հատել է 40-ի շեմը, եւ որեւէ շեղում չկա: Սակայն այս տարվա շոգերի առանձնահատկությունը բարձր ջերմաստիճանի տեւականությունն է եւ օդի հարաբերական խոնավության նվազումը. «Հայաստանում ամենաշոգ շրջանը հուլիսի վերջին եւ օգոստոսի առաջին տասնօրյակն է: Արդեն սկսվել է բարձր ջերմաստիճանային ֆոնը եւ կպահպանվի մինչեւ ամսի 4-ը: Մենք 8 օր կունենանք 38-40 աստիճան տաքություն: Իհարկե՝ 40 աստիճան կդիտվի միայն 3 օր»:
