![\"\"](\"https://www.aravot.am/2011/aravot_arm/July/28/p29.jpg\")
Իրինա Ալեգրովան վերջերս անկառավարելի է դարձել: Եվ դա ցնցել է ողջ ռուսական շոու-բիզնեսին: Show.oboz.ua-ի փոխանցմամբ, արդեն մի քանի անգամ նա հենց բեմի վրայից բղավում է հանդիսատեսի վրա, եթե վերջիններս փորձում են լուսանկարել նրան:
Վերջերս էլ կայացած համերգի ժամանակ Իրինան երկրպագուի ձեռքից խլել է լուսանկարչական ապարատը, կոտրել այն, իսկ աղջկան վիրավորել ամենավերջին խոսքերով:
Պարզվում է, հոգեբույժները հեռակա կարգով արդեն ախտորոշել են Իրինայի հիվանդությունը: Նրանք կարծում են, որ Իրինա Ալեգրովան տառապում է դիսմորֆոբիայով: Դիսմորֆոբիան հոգեկան բարդ հիվանդություն է, որի առկայության դեպքում հիվանդը ահավոր վախենում է, երբ իրեն լուսանկարում են:
Բժիշկները պնդում են, որ այս հիվանդությունը անբուժելի է: Ասենք ավելին, հաճախ այս հիվանդությամբ տառապողներն ինքնասպանություն են գործում: Բժիշկները կարծում են, որ Ալեգրովան հնարավորինս շուտ պիտի սկսի բուժման կուրս անցնել հոգեբույժների մոտ: Միայն այդ կերպ նա կարող է քիչ թե շատ թեթեւացնել իր վիճակը:
