Իսպանական Indignados(«Վրդովմունք») շարժման ակտիվիստները Մադրիդ-Բրյուսել բողոքի երթ են կազմակերպել: Նրանք հանդես են գալիս եվրոպական երկրների իշխանությունների վարած քաղաքականության դեմ՝ համարելով, որ այն ամբողջությամբ կախված է ֆինանսական շուկաների թելադրանքից եւ արհամարհում է շարքային քաղաքացիների կարիքները:
BBC-ի փոխանցմամբ, Մադրիդից դեպի Բրյուսել երթի ընթացքում շարժման ակտիվիստները մտադիր են Եվրոպայի ժողովուրդների հետ խնդրի հրապարակային քննարկումներ անցկացնել, նաեւ բողոքներ եւ առաջարկներ հավաքել: Շարժումը Մադրիդում ձեւավորվել է գարնանը եւ հասցրել է լինել եվրոպական մի քանի երկրներում:
