![\"\"](\"https://www.aravot.am/2011/aravot_arm/July/27/p22.jpg\")
Իրանական լրատվամիջոցների փոխանցմամբ, Իրանի գերագույն առաջնորդ այաթոլա Ալի Խամենեին (ձախից) երկրի արդարադատության ոլորտում բարձր պաշտոններ զբաղեցրած այաթոլա Մահմուդ Շահրուդիին (աջից) նշանակել է միջնորդ, ով պետք է կարգավորի կառավարությունում առկա տարաձայնությունները եւ հակասությունները՝ նախագահ Մահմուդ Ահմադինեջադի ու խորհրդարանի մեծամասնության միջեւ: Այդ մասին հաղորդում է «Ազատություն» ռ/կ-ն:
Հիշեցնենք, որ հաջորդ տարի Իրանում անցկացվելիք խորհրդարանական ընտրություններին ընդառաջ, հակասություններ են ծագել երկրի նախագահ Ահմադինեջադի եւ Իրանի հոգեւոր գերագույն առաջնորդ այաթոլա Ալի Խամենեիի կողմնակիցների միջեւ:
