Տավուշի մարզում թվային հեռարձակում իրականացնելու համար 10 տարվա արտոնագիր է ստացել «Տավուշ» հեռուստաընկերությունը: Հուլիսի 20-ին կայացել է «Տավուշի» փորձնական եթերը: Որոշակի տեխնիկական խնդիրներ լուծելուց հետո՝ հեռուստաընկերությունը կանոնավոր կերպով եթերում կլինի օրական 8 ժամ:
Հեռուստաընկերության ստեղծագործական կորիզը 1992 թվականից եթեր սփռվող Նոյեմբերյանի «Քամուտ» հեռուստաընկերության աշխատակիցներն են, տնօրենը «Քամուտի» հիմնադիր տնօրեն Վարդան Անանյանն է:
«Տավուշը» եթեր է դուրս գալու Նոյեմբերյան քաղաքից, սփռվելու է նաեւ Իջեւանի ու Դիլիջանի տարածաշրջաններում, դեկտեմբերից՝ նաեւ Բերդի:
Հեռուստաընկերությունը լուսաբանելու է մարզային կյանքը, Տավուշի մարզի բոլոր տարածաշրջանների անցուդարձը: Մինչեւ 2013 թվականը հեռարձակումը կկատարվի անալոգային եղանակով, որից հետո անցում կկատարվի թվային հեռարձակման:
