![\"\"](\"https://www.aravot.am/2011/aravot_arm/July/22/p26.jpg\")
Հայազգի մոդել Քիմ Քարդաշյանը դատի է տվել «Old Navy» հագուստներ արտադրող ընկերությանը, որն իր գովազդային հոլովակում նկարահանվելու համար հրավիրել է Քարդաշյանին արտաքնապես շատ նման մոդել Մելիսա Մոլինարոյին: Քարդաշյանը գտնում է, որ ընկերությունը այդ խորամանկ քայլին է գնացել այն պատճառով, որ «Old Navy»-ի արտադրանքն ասոցացվի իր հետ:
Դեպքի առնչությամբ Քիմը ընկերությունից պահանջում է 15-20 միլիոն դոլար՝ հեղինակային իրավունքները խախտելու համար: Գովազդային հոլովակն արդեն դիտել է 1.7 միլիոն մարդ: Ըստ The Daily Mail-ի՝ հոլովակում Մոլինարոն նույն սանրվածքն ու դիմահարդարումն ունի, ինչ Քարդաշյանը, որն էլ չափից շատ է նրան նմանեցնում Քիմին:
