![\"\"](\"https://www.aravot.am/2011/aravot_arm/July/22/p19.jpg\")
«Բիլլ եւ Մելինդա Գեյթս» հիմնադրամը Նիդեռլանդներում Դելֆտի տեխնոլոգիական համալսարանի կողմից իրականացվող «Զուգարանի գյուտ» նախագծի համար գրանտ է հատկացրել։ Ինչպես հայտնում է news.am-ը, գրանտը «Ջուր, կոյուղի, հիգիենա» ծրագրի համար հատկացված 42 մլն դոլարի հասնող ներդրումների միայն մի մասն է։
Նախագծի նպատակը մարդկային արտաթորանքի վերամշակման նոր միջոցի ստեղծումն է, ընդ որում՝ միջոցն այնքան էժան պետք է լինի, որ հնարավոր լինի կիրառել զարգացող երկրների ամենաաղքատ թաղամասերում։ Հոլանդացի գիտնականները պնդում են, որ նոր զուգարանը՝ թղթի վրա, գրեթե պատրաստ է։ Նշենք, որ երկրագնդի 2,6 մլրդ բնակիչ չի կարողանում օգտվել անվտանգ եւ ոչ թանկարժեք կոյուղուց։
